Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9417 swie wünneclîch eht hinne sî
        und swie deheiner slahte guot
        sô sêre ringe den muot
        sô dâ liep bî liebe lît,
        als ir und iuwer wîp sît,
9422 sô sol man wærlîchen
        den wîben doch entwîchen
        ze etelîcher stunde.
        ich hân ez ûz ir munde
        heimlîchen vernomen
9427 daz hin varn und wider komen
        âne ir haz mac geschehen.
        swie sis niht offenlîche jehen,
        si wellent daz man in niuwe sî
        und niht ze allen zîten bî.
9432 ouch zæme disiu vrouwe baz,
        diu disiu jâr hinne saz,
        under anderen wîben.
        wie ir mohtet belîben
        ein alsô wætlîcher man,
9437 wie mich des niht verwundern kan!
[ zurück ]